想起之前不約而同分別和幾位媽媽👩🏻朋友談到兄弟姊妹👬👭爭嘢或者打交，如何處理嘅問題！🤔
的確爭嘢呢個情境每日都上演著😅，不過可幸是不算嚴重，每日少少哋 總要爭吓嘅！😆😅
多數爭用邊支筆✏️做📝功課、擦膠邊個擦先、某玩具🧩邊個玩 等等...
而媽媽👩🏻一般做法會這樣的，初聽到爭吵聲時只會聽下👂🏻先八卦下先😆😂。如果仍然繼續的話就出口😛問發生咩事，之後請佢地自己講，不過佢地通常都話對方唔啱在先嘅，估計怕被鬧呀嘛！😅😏
如果真係互相指責🗣🗣對方，我就會鼓勵佢地做個誠實嘅小朋友，因為誠實孩子係非常值得欣賞的。😌
通常咁樣佢哋就會自動講🗣真話，媽媽待佢地講完事情始末後會讚賞佢地誠實，同時亦解釋返俾佢地知對方會因爲佢地嘅行為而唔開心。
有時亦會問佢地要點做至會大家都開心呢？🤔
或者俾指引佢地 請佢地排隊玩，亦請玩先嗰個可以玩多幾多次或幾多分鐘，就要讓俾下個玩。亦會請爭嗰個向被爭嗰個道歉，同埋要跟住媽媽👩🏻禮貌地講一次「唔該，你玩完之後可以到我玩嗎？」如果另一個話唔可以，媽媽就會再同唔放玩具🧩嗰個講 ：「媽媽👩🏻知道你好鍾意呢個玩具，但係👦🏻哥哥/🧒🏻弟弟/👧🏻妹妹同你一樣都咁鍾意佢，不如你現在玩多5次或者5分鐘咁多，之後就到👦🏻哥哥/🧒🏻弟弟/👧🏻妹妹玩啦？又或者你地👦🏻🧒🏻👧🏻可以一齊玩嘅，唔一定係分開玩咖嘛！」☺️😆
如果打人😤，媽媽通常會先了解邊個攪事先，因為大人好多時都只見到最後情況，就直接鬧出手打人嗰個。不過了解咗事情後，無論點打人的都一定要道歉🙇🏻♀️同攬反對方。繼而媽媽會話同問：「我知道你都好想玩，不過你打人 啱定唔啱？！」如果佢話啱，就同佢講 「咁以後人地打你 都啱啦，係唔係？」，小朋友多數話唔係，跟住再問返佢 「咁你打人啱唔啱？」多數會答 「唔啱」，此時再用好嚴勵嘅眼神同語氣話佢地知打人😠嘅行為會令人如何身心靈受傷害🤕。
佢哋通常態度慢慢會軟化就再處理玩具安排了！
🤯🤯其實呢啲場面不斷發生，這些說話媽媽亦不斷講。不經不覺已經講咗幾年😅😅，依咖真係不時聽到佢地會話：「你玩一陣到我玩，得唔得呀？」已經好好了！😌😌😌😌😌
又係繼續努力啦！😪
加油，加油！💪🏻😅😅😅
PS: 不同年齡階段嘅孩子需要用不同的方法處理，以上方式 比較適合3-6歲的小朋友😊。
如果3歲以下，可以用轉移注意力嘅方法處理，平時亦可以看一些關於 分享嘅圖書，慢慢地讓他們了解什麼是分享，😊 分享如何令相方都快樂！
.
.
.
.
.
#全職媽媽 #香港媽媽 #兄弟姊妹 #爭嘢 #和事老 #一齊玩 #每日上演
Search